குப்பைத்தொட்டியின் நடுவில்
மின்சார கம்பத்தில்
சுவரொட்டியிலான சுவரில்
குடிநீருக்கான கனத்த குழாய்களில்
என ஆரம்பிக்கும் இவன் இரவுப்பயணம்
கட்சிக்காக ஒட்டினாலும் கட்சியில் ஒட்டுவதில்லை
கவர்ச்சியான பெண்களையும் சரி
அதற்கான கண்டனமும் சரி
சமமாய்த்தான் தடவப்படும்
நாளை புதுப்படம்,
பிய்க்கப்படும் என்றே
கல்விக்கான காகிதத்தை ஒட்டுவான்
மிரட்டும் சுவர்களிடம் கெஞ்சுவான்
அதிகமாய் காகிதம் இருக்கிறதென்று..
சராசரி மனிதனோடு
ஒட்டாத வாழ்க்கையை ஒட்டி இருக்கும்
இவன் வாழ்க்கையில்
பசையோடு சேர்ந்து ஒட்டி இருக்கும்
அவன் வயிறும் கூட.......